Ang tinuod nga kampanya wala gayud magsugod ug nagtapos sa entablado. Ang tinud-anay nga kampanya, ang makapabag-o sa kinabuhi sa katawhan, ginatukod sa yuta mismo diin nagapadayon ang ilang adlaw-adlaw nga pakigbisog. Kini usa ka kampanya sa pagsabot—pagsabot sa kahimtang sa matag pamilya, pagsabot sa mga damgo nga sagad mapalong tungod sa kakabus, ug pagsabot sa kahadlok nga basin ang kaugmaon walay kasiguruhan.
Diha sa Brgy. Tambacan, among nasaksihan ang kamatuoran nga ang kampanya kinahanglan motunga gikan sa paghawid sa kamot sa katawhan. Sa matag paglamano, matag pakighimamat, matag istorya nga among nadungog—namugos ang among pagtuo nga ang Bag-ong Iligan nga among damgo dili lamang para sa mga pipila, kundi para sa tanan.
Ang Tambacan dili lang usa ka lugar sa mapa. Kini usa ka simbolo sa paglaum. Ang mga tawo dinhi, bisan sa mga pagsulay, nagpabiling mapainubsanon, mainampuon, ug puno sa paglaum. Sa matag pahiyom nga ilang ginahatag, among gibati ang ilang kasakit, ang ilang paglaum, ug ang ilang determinasyon nga molahutay.
Ang among kampanya dili lang aron mangayo og boto. Kini usa ka panawagan: nga magtinabangay kita sa pagtukod sa usa ka Iligan nga angayan sa tanang Iliganon—usa ka Iligan nga walay gipili, usa ka Iligan nga nagatubag sa panginahanglan sa barangay ug sa kabus nga sektor.
Brgy. Tambacan, salamat sa inyong pagdawat kanamo nga murag inyong kaugalingong pamilya. Ang inyong pagsalig, among gisaligan ug among gitiunan sa dughan. Sa inyong mga pahiyom, among nakaplagan ang among kusog. Sa inyong mga istorya, among nakita ang among inspirasyon.
Dili sayon ang dalan padulong sa kabag-ohan. Dili katingad-an nga ang kasinatian sa Tambacan puno sa mga hagit. Ang kalisod sa pagpanarbaho, ang problema sa edukasyon, ang kakulang sa serbisyo medikal, ug ang peligro sa baha nga kada tuig nagapahadlok sa mga residente—kining tanan nakahatag og dakong kasakit sa komunidad.
Apan taliwala sa tanan, ang Tambacan wala magpalupig. Nagbarog ang Tambacan uban ang dakong paglaum sa ilang dughan. Ug kini nga paglaum mao ang among gisaligan sa among paningkamot nga himuon ang Iligan nga usa ka bag-ong syudad sa Mindanao.
Ang Bag-ong Iligan nga among gipangandoy dili lang kay lapad nga mga karsada o taas nga mga building. Ang among damgo usa ka Iligan diin ang matag bata makasulod sa klase nga walay kabalaka nga mag-ulan-ulan sa bubong sa ilang eskwelahan. Usa ka Iligan diin ang mga ginikanan dili na kinahanglang molangoy sa utang aron lang makapaospital sa ilang mga anak. Usa ka Iligan diin ang mga tigulang makapahimulos sa ilang katigulangon nga dignified, ug ang mga kabatan-onan makatan-aw sa ilang kaugmaon nga puno sa oportunidad.
Kini nga damgo, among gustong tukuron uban ninyo.
Nasayod kami nga daghan pa ang angay buhaton. Daghan pa ang programa nga kinahanglan himoon. Ang among baruganan klaro: ang liderato nga among ipasiugda mao ang liderato nga madungog ang boses sa barangay sama sa Tambacan.
Walay kabag-ohan kung ang katawhan dili apil. Busa, among giandam ang plataporma nga magpasiugda og aktibong partisipasyon sa barangay level. Among ablihan ang mga dalan sa komunikasyon, aron ang inyong mga hunahuna, inyong mga reklamo, ug inyong mga ideya makab-ot ngadto sa lamesa sa city government.
Dili kami perfecto, apan kami determinado. Determinado kaming makigbisog para sa inyong mga anak, para sa inyong mga inahan, para sa inyong mga mag-uuma ug magpapanagat, para sa inyong mga vendors, ug para sa inyong mga manggagawa.
Ang Tambacan, bisan pa sa kasakit, nagpabiling dalangpan sa katawhan. Bisan pa sa kabag-ohan nga gikinahanglan, ang kasingkasing sa komunidad nagpabilin nga buhi ug mapangga.
Ingon nga inyong manugservisyo, among dalhon ang inyong tingog ngadto sa lungsod. Among ipadayag ang inyong mga pag-ampo nga unta ang Iligan mahimong lugar diin ang hustisya, oportunidad, ug kaayohan dili lang mahimong damgo kundi tinuod nga kahimtang.
Pinaagi sa usa ka malungtarong plano alang sa pagpalambo sa barangay, kita magatutok sa tulo ka mayor nga aspeto: edukasyon, panginabuhian, ug serbisyo publiko.
Sa edukasyon, among palig-onon ang scholarship programs ug iapil ang skills development training para sa mga out-of-school youth ug kabatan-onan nga nangandoy og mas maayong kaugmaon. Ang edukasyon mao ang yawe sa pagputol sa kalisod, ug kini among hatagan og dakong pondo ug pagtagad.
Sa panginabuhian, among suportahan ang mga gagmay’ng negosyo pinaagi sa microfinancing, pagpangita og market linkage, ug paghatag og negosyo support services. Among palambuon ang skills training alang sa mga trabahante ug mag-uuma aron sila makasunod sa bag-ong teknolohiya ug demand sa merkado.
Sa serbisyo publiko, among palapdan ang access sa healthcare pinaagi sa pagpahimutang og health centers nga kompleto sa gamit ug kahibalo, ug pagpalig-on sa disaster preparedness ilabi na sa mga barangay nga sama sa Tambacan nga kasagaran apiktado sa baha.
Dili kami mohatag lang og saad; among buhaton ang saad.
Kini nga kampanya, nga among gidala ngadto sa inyong mga purtahan, nag-agad sa inyong pagsalig. Ug nasayod kami nga ang Tambacan dili malimbongan. Ang Tambacan aduna’y kusog nga makaila kung kinsa ang tinuod ug kinsa ang nagpasalig nga bakak.
Busa among gisang-at ang among kaugalingon kaninyo uban ang tinuod nga intensyon—ang intensyon nga mag-alagad.
Nagaampo kami nga sa adlaw sa piniliay, inyong mapili ang lider nga inyong nasabtan, inyong nahikap, ug inyong nakig-uban sa inyong pakigbisog. Ug sa inyong pagpili, inyong isulti nga kamo andam nang molingkod uban sa kabag-ohan.
Brgy. Tambacan, inyong mga pahiyom among bahandi.
Ang inyong mga damgo among gihatagan og bili.
Ang inyong pagsalig among gisaligan.
Kini ang sugilanon sa Bag-ong Iligan nga atong tukuron!
Ang Iligan dili lang kay sa mga politiko. Ang Iligan para sa mga tawo nga nagmatinud-anon nga nagtinguha og mas maayong kaugmaon. Ang Iligan para sa mga trabahante, mga estudyante, mga inahan, mga amahan, mga magsusuwat sa ilang kaugalingong kapalaran.
Walay Iligan kung walay Tambacan. Ug walay kalampusan kung ang mga barangay sama sa Tambacan pasagdan.
Busa padayon kita, mga kauban. Ipadayon nato ang kampanya nga puno sa kasingkasing, sa paglaum, ug sa tinuod nga serbisyo.
Iligan, WEK can do it!
FOR VICE MAYOR
❷ UY, WEKWEK
